کابل ښاروالۍ د کابل ښار د دهمزنګ – کوته سنګي سړک د پخولو کار پیل کړی دی.

آوا - کابل: د کابل ښاروالۍ د یوې خبرپاڼې په خپرولو سره د کابل ښار د دهمزنګ – کوته سنګي سړک د پخولو د پیل خبر ورکړی دی.

په خبرپاڼه کې راغلي چې دغه سړک ۳۲۲۶ متره اوږدوالی او ۳۰ متره سور لري چې د بټومین کولو چارې یې پرون (سه شنبه د لړم ۸ مه) له غازي لېسې څخه د دهبوري تر څلورلارې پورې پیل شوې.

د يادونې وړ ده، چې د پل سوخته - پل سرخ د پخولو کار هم روانه اونۍ پيل شوى، چې د کابل لوېديځ د اوسېدونکو له هرکلي سره مخ شوى دى.