د مهاجرت نړیوال سازمان اعلان کړی چې د تیر کال له جنورۍ څخه د روان کال تر سپټمبر پورې یې څه باندې ۲۴۰۰ کاري فرصتونه پیدا کړي دي.

آوا - کابل: د مهاجرت نړیوال سازمان د یوې خبرپاڼې په خپرولو سره ویلي چې د پانګونې، تجهیزاتو او روزنې په برخو کې د کوچنیو او متوسطو متشبثینو په ملاتړ سره، ځوانانو، راستنیدونکو او ښځو ته د کار زمینه برابره شوې ده.

د يادونې وړ ده، چې د نړيوالو مرستو په کمېدو، د لويو بنسټيزو پروژو له ځنډېدو او له ايران او پاکستان څخه د کډوالو په ډله ييزه شړلو سره په هېواد کې د بېکارۍ کچه ډېره شوې ده.