د کندهار ولايت د کرنې، اوبولګولو او مالدارۍ رياست وايي، چې په روان کال کې له دغه ولايت څخه څلوېښت زره ټنه پنبه د نړۍ هېوادونو ته صادره شوې ده.

آوا - کابل: د کندهار ولایت د کرنې، اوبولګولو او مالدارۍ ریاست مطبوعاتي دفتر د یوې خبرپاڼې په خپرولو سره ویلي، چې سږ کال له دغه هېواد څخه څلوېښت زره ټنه پنبه د نړۍ هېوادونو ته صادر شوې ده.

د دوی په وینا د دې صادراتو ډېره برخه پاکستان او ایران ته وه.

بايد وويل شي، چې افغاني پنبه په ځانګړي ډول په کندهار ولايت کې ښه شهرت لري او په بهر کې ډېر پېرودونکي لري.