آوا: په افغانستان کې د چین سفیر جاو شینګ د پنجشنبې په ورځ د پاکستان د رئیس الوزرا له سیاسی مرستیال مولوی عبدالکبیر سره د اقتصادی مسایلو په اړه وکتل.

 

د چین سفیر په یوه بیان کې چې د ادګ په اکس پاڼه کې خپره شوې، ویلي چې چین ته د افغانستان صادرات سږکال 11.5 سلنه وو او تمه کیږي چې راتلونکی کال 25 سلنې ته لوړ شي.

 

د چین سفیر زیاته کړه چې هېواد به یې په دسمبر میاشت کې پر افغان صادراتو مالیه ولګوي او چین ته به د افغاني محصولاتو د صادراتو کچه لوړه شي.

 

جاو شینګ همدا راز زیاته کړه چې هېواد یې په پام کې لري چې د تاجکستان له لارې له افغانستان سره یو نوی اقتصادي دهلیز پرانیزي او په دې برخه کې د پانګونې په موخه به د تاجکستان، چین او افغانستان درې اړخیزه غونډه هم جوړه شي.

 

د چین سفیر زیاته کړه چې د واخان دهلیز د فعالولو لپاره هم هڅې روانې دي.

 

مولوي عبدالکبير له چين څخه د افغانستان پر صادراتو د ماليې د معافيت له امله مننه وکړه او زياته يې کړه، چې دغه اقدام به د افغانستان پر سوداګرۍ او اقتصاد مثبت اغېز وکړي. هغه له نورو ګاونډیو هېوادونو هم د ورته اقداماتو غوښتنه کړې ده.

 

د رئیس الوزرا سیاسي مرستیال د واخان سړک د دواړو هېوادونو په اړیکو کې د بدلون ټکی بللی او ویلي یې دي چې په بشپړېدو سره به یې اقتصادي او سوداګریزې راکړې ورکړې زیاتې شي.

 

د تېر کال په وروستیو کې اسلامی امارت اعلان وکړ چې د بدخشان په واخان کې د پنځوس کیلومتره سړک د جوړولو کار چې افغانستان له چین سره نښلوي ډېر ژر بشپړ شي. خو څه د پاسه یو کال وروسته هم دا کار نه دی بشپړ شوی.

 

په همدې حال کې له افغانستان سره د ځمکنۍ لارې پرانستلو ته د چین د لېوالتیا په اړه شکونه شته.