آوا: د غزې تړانګې د روغتیا وزارت اعلان کړی چې د ۲۰۲۳ میلادی کال د اکتوبر له ۷ نیټې څخه په دغه تړانګه کښې د صهیونیسټی رژیم د یرغل له امله د شهیدانو شمیر ۴۲۸۴۷ تنو ته او د زخمیانو شمیر ۱۰۰۵۴۴ ته رسیدلی دی. 

دا احصایې په داسې حال کې مخې ته راځي چې طبي سرچینو اعلان کړی چې د پنجشنبې له سهار راهیسې د غزې تړانګې پر بېلابېلو سیمو د اسرائیلو په هوايي بریدونو کې ۲۹ فلسطینیان شهیدان شوي چې ۲۳ یې د غزې په مرکز او جنوب کې دي.

د النصیرات په کمپ کښې د العوده روغتون چارواکو تائید کړه چې په دغه کیمپ کښې د بې کوره شویو کسانو په یوه ښوونځی باندې د صهیونیسټ رژیم په هوایی حمله کښې ۱۷ کسان شهیدان او لږ تر لږه ۴۲ نور ژوبل شول.