آوا - بامیان: د دایکنډي ښاروالۍ وایي، د فلزي کیبلونو د نصبولو پروژه نن چهارشنبه د ۱۳۹۳ لمریز کال د تلې ۲ مه د لوړ پوړو دولتي چارواکو او د ښار د یو شمېر ښاریانو په حضور کې پرانیستل شوه.

د دې پروژې بودیجه یو میلیون ۵۰۰ زره افغانۍ ده چې د نیلي ښاروالۍ له خوا ورکول کیږي او تر کار لاندې ساحه د نیلي ښار (د دایکندي مرکز) د وسله والو ځواکونو سړک دی.

د دایکنډي مرستیال والي احسان الله رحمت یار د ښاروالۍ د کارونو ستاینه وکړه او ویې ویل چې د نیلي ښار بیارغونه د ښاروالۍ له اساسي موخو څخه ده.