آوا - کابل: له طبیعي پېښو سره د مبارزې د ملي ادارې مطبوعاتي دفتر د یوې خبرپاڼې په خپرولو سره ویلي چې د دغې ادارې مشر ملا نورالدین ترابي د مهاجرت د نړیوال سازمان له مسوولینو سره وکتل.

په دې کتنه کې له طبیعي پېښو سره د مبارزې د ملي ادارې رئیس په هغو سیمو کې چې له خطر سره مخامخ دي، د مخنیوي پروژو پر تطبیق ټینګار وکړ.

په دې کتنه کې د مهاجرت د نړيوال سازمان د دفتر د اړيکو رييس په افغانستان کې د دغه سازمان د پروژو د بيانولو په ترڅ کې وويل چې دوى به له افغان دولت سره په همغږۍ خپلې مرستې زياتې له هغو کورنيو سره زياتې کړي چې له خطر سره مخامخ دي.