آوا - کابل: د سویلي کوریا د بهرنیو چارو وزارت په یوه مجازي او مخامخ ناسته کې په افغانستان کې د خپلو بشري پروژو وضعیت وڅیړل.

دغه هېواد له ۲۰۲۱ کال څخه تر ۲۰۲۳ کال پورې ټولټال ۷۴ میلیونه ډالره له افغانستان سره بشري مرستې کړې دي.

باید وویل شي، چې د خوړو نړیوال پروګرام په دې وروستیو کې اعلان وکړ، چې د جنوبي کوریا د بهرنیو چارو وزارت د افغانستان له خلکو سره د خوراکي توکو له نړیوال پروګرام سره د ۴ میلیونه ډالرو مرسته کړې ده.

د خوړو نړیوال پروګرام ټینګار کړی، چې دغه مالي مرستې به له اړمنو سره د خوراکي توکو د مرستې او په افغانستان کې د قحطۍ د مخنیوي لپاره ولګول شي.