آوا - هرات: په هرات کې د افغانستان د بهرنیو چارو وزارت مرستیال مولوی رحمت الله فیضان وایی چې امریکایی ځواکونو د افغان ولس د مبارزو له امله له خبرو سره موافقه کړې ده.

فیضان وویل:«د افغانانو دښمنان باید پوه شي چې اشغالګرو د پټو تړونونو په لاسلیکولو سره افغانستان موږ ته نه دی سپارلی، بلکې د افغان ولس د سرښندنو په مقابل کې خبرو میز ته حاضر شول.

هغه په ​​افغانستان کې د اشغالګرو تاریخ ته په اشارې سره زیاته کړه: نه یوازې امریکا، بلکې پخوانی شوروی اتحاد او انګرېزانو هم خپل پرمختللی تجهیزات کېښودل او وتښتېدل.

په هرات کې دبهرنيو چارو دوزارت مرستيال دغه څرګندونې په داسې حال کې کوي چې د جمهوري اسلامی ورځپاڼې په دې وروستيو کې د افغان مهاجرينو سپکاوى کړى دى .