آوا - کابل: د اسلامی امارت د انرژی او اوبو وزارت مطبوعاتي دفتر نن (یکشنبه د میزان ۲۲مه) په لغمان ولایت کې د یوې پروژې د کار د پرمختګ په اړه خبرپاڼه خپره کړه.

دغه وزارت زیاتوي، چې د لغمان ولایت د شاهي کانال دغه پروژه د انرژۍ او اوبو وزارت له سترو پروژو څخه ده، چې اوسمهال پرې کار په چټکۍ روان دی.

په دې خبرپاڼه کې راغلي چې د شاهي کانال د لغمان ولایت په الینګار ولسوالۍ کې موقعیت لري چې د دغه کانال لومړی فاز به ۳۰ کیلومتره اوږدوالی په څلورو برخو کې ولري او همدارنګه زیاتوي چې دغه کانال به ۵ زره‌هکتاره ځمکې خړوبوي.