آوا - کابل: د کابل د ملی موزیم مسوولین خبر ورکوی، چې موزیم ته د ورځی لږ تر لږه ۱۵۰ تنه سیلانیان ورځی.

 

د ملي موزیم د مسوولینو په وینا، د اسلامي امارت په بیا جوړیدو سره د لیدونکو شمیر زیات شوی او موزیم هره ورځ د کورنیو، څیړونکو او کورنیو او بهرنیو سیلانیانو کوربه وي.

 

دا په داسې حال کې ده، چې موقت حکومت په تېرو درېیو کلونو کې نه یوازې دا چې د لسګونو لرغونو اثارو د قاچاق مخه نیولې، بلکې په هېواد کې د ګرځندوی صنعت د ودې او د شرایطو د رامنځته کولو لپاره یې د پام وړ هڅې کړې دي.