آوا - بامیان: د بامیان ولایت د امنیه قوماندانۍ مطبوعاتي او عامه اړیکو دفتر په یوه خبرپاڼه کې د طبیعي پېښو پر وړاندې د مبارزې ریاست د پلان په اړه ویلي، چې په ښار کې د تېلو د ټانکونو او هټیو د پلټنو له لارې د ناڅرګندو پېښو مخنیوی کوي. 

 

په خبرپاڼه کې راغلي، چې د بامیانو د امنیه قومندانۍ د رهبرۍ د لارښوونې پر بنسټ، د دې قوماندانۍ د پېښو او اور وژنې ریاست په بامیانو ښار کې د احتمالي پېښو د مخنیوي لپاره بشپړ چمتووالی لري.

 

په خبرپاڼه کې ويل شوي، چې د پېښو پر وړاندې د مبارزې او اور وژنې رياست کارکوونکي په دغه ولايت کې د ناڅاپه اورلګېدنې د مخنيوي او د هېوادوالو د مالونو د ژغورنې په موخه تل چمتو دي.