د مصر ولسمشر عبدالفتاح السیسي د ترکیې له ولسمشر رجب طیب اردوغان سره د لیدنې لپاره په یوه رسمي سفر انقرې ته ورسېد.
ترکيې ته د مصر ولسمشر له ۱۲ کلونو وروسته سفر وکړ
15 سنبله 1403 ساعت 9:54
د مصر ولسمشر عبدالفتاح السیسي د ترکیې له ولسمشر رجب طیب اردوغان سره د لیدنې لپاره په یوه رسمي سفر انقرې ته ورسېد.
آوا: پرون (چهارشنبه) خبری سرچینو انقرې ته د مصر د ولسمشر د سفر خبر ورکړ.
د ترکیې د اناتولیا خبري اژانس د راپور له مخې السیسی ته د ترکیې ولسمشر رجب طیب اردوغان او د بهرنیو چارو وزیر هاکان فیدان د انقرې په ایسنبوګا هوايي ډګر کې تود هرکلی ووایه.
د ترکیې او مصر ولسمشرانو د دغه هوايي ډګر په تالار کې لنډه غونډه وکړه او بیا د ترکیې د ولسمشرۍ ماڼۍ ته ولاړل.
ټاکل شوې چې د مصر او ترکیې ولسمشران د خپلې غونډې په ترڅ کې دوه اړخیز تړونونه لاسلیک کړي.
د ترکيې او مصر د ستراتيژيکو عالي شورا غونډه به د دواړو هېوادونو د ولسمشرانو په مشرۍ جوړه شي.
دا له ۱۲ کلونو وروسته ترکیې ته د مصر د ولسمشر لومړی سفر دی.
اردوغان د ۲۰۱۲ کال راهیسې د لومړي ځل لپاره د فبرورۍ په میاشت کې هم مصر ته سفر وکړ.
عبدالفتاح السیسي په دې لړ کښې د خپل هیواد او ترکیې تاریخي اړیکو ته په اشارې سره دغه هیواد ته د خپل سفر او له خپل ترکي سیال سره له کتنې څخه خوښي څرګنده کړه.
د مصر ولسمشر په خپل فیسبوک کې لیکلي دي: خوښ یم چې ترکیې ته سفر کوم او له ښاغلي رجب طیب اردوغان سره وینم ځکه چې زموږ دواړه لرغوني هیوادونه ژورې تاریخي او د خلکو تر منځ اړیکې لري.
السیسي زیاته کړه: د ترکیې د بنسټ ایښودونکي مصطفی کمال اتاترک له خوا د ترکیې له تاسیس راهیسې، دواړو هیوادونو په سیمه ایزو او نړیوالو ډګرونو کې د ترکیې او مصر د خلکو د غوښتنو د پوره کولو لپاره پیاوړې سیاسي اړیکې لرلې دي.
د مطلب کود: 296366