آوا: د افغانستان د بدني روزنې فدراسیون مطبوعاتي دفتر د دوشنبې په ورځ وویل، د افغانستان د فوټسال ملي لوبډله به د کانټینینټل کپ په سیالیو کې خپله دریمه لوبه له نیوزیلنډ سره وکړي.

 

د دغه فدراسیون له خوا په خپره شوې خبرپاڼه کې ویل شوي، چې دغه لوبه د چهارشنبې په ورځ د سپټمبر په ۱۴مه د کابل پر وخت د ماسپښین ۲ بجې په تایلنډ کې ترسره کېږي.

 

د فوټسال ملي لوبډلې تېره ورځ په خپله دویمه لوبه کې کویت ته ۳-۴ ماتې ورکړه.

 

افغانستان په خپله لومړۍ لوبه کې ګواتیمالا ته ۴-۵ ماتې ورکړه.