آوا: د افغانستان مرکزي بانک اعلان کړى چې د بهرنيو اسعارو پر وړاندې د افغانيو د ارزښت د ساتلو په موخه به د چهارشنبې په ورځ ١٥ ميليونه امريکايي ډالر ليلام ته وړاندې کړي.

 

دغه بانک نن (سه شنبه، د سنبلې ١٣مه) د یوې اعلامیې په خپرولو سره له ټولو پیسو تبادله کونکو او د پیسو خدماتو مرکزونو څخه وغوښتل چې سبا چهارشنبه د سنبلې ١٣مه په داوطلبۍ کې برخه واخلي.

 

د افغانستان مرکزي بانک ویلي چې د لیلام ګټونکي مکلف دي چې د لیلام د ورځې تر پایه خپل حسابونه تصفیه کړي.

 

دا په داسې حال کې ده چې نن په کابل ښار کې د ډالر ارزښت په ٧١ افغانۍ و.

 

د افغانستان مرکزي بانک تر دې مخکې د افغانیو د ساتلو او ثبات په موخه په ملیونونو ډالر په لیلامونو پلورلي دي.