آوا: د سرپل ولایت د پوهنې ریاست د دغه ولایت په سانچارک ولسوالۍ کې د څه باندې ۱۵ میلیونه او ۷۰۰ زره افغانیو په ارزښت د نجونو د یوه ښوونځی ودانۍ پرانستله.

 

د دغه رياست د مسوولينو په وينا، دغه ودانۍ په يوه پوړ کې اته درسي خونې لري، چې د يوې مرستندويه ادارې له خوا جوړه شوې ده.

 

د يادونې وړ ده، چې د دې ودانۍ په جوړېدو سره سلګونو زده کوونکو ته د زده کړې مناسب چاپېريال برابر شوى دى.

 

په تېرو دريو کلونو کې په ټول هېواد کې د سرپرست حکومت له خوا په سلګونو ښوونځي جوړ شوي دي.