آوا: بامیان: د بامیان ولایت د امنیه قوماندانۍ د مطبوعاتو او عامه اړیکو دفتر په یوه بیان کې ویلي چې په دغه ولایت کې یو تن د جعلي پیسو د کارولو په تور نیول شوی دی.

 

په خبرپاڼه کې راغلي، چې دغه جعل کوونکي د کهمرد ولسوالۍ د بنق کلي اوسېدونکی او هټیوال دی.

 

هغه ادعا وکړه چې د توکو د پېرلو لپاره يې پلورونکو ته ٢٥٠ زره افغانۍ ورکړې چې له دې جملې څخه ٤٠ زره افغانۍ جعلي وې.

 

په خبرپاڼه کې ویل شوي، چې نوموړی د کهمرد ولسوالۍ د سیمه ییزو کنټرول ریاست د منسوبینو له لوري پېژندل شوی او نیول شوی دی.