آوا - بامیان: بامیان ولایت تر ټولو لرغونی اثار لری، چې د دغه ولایت د اطلاعاتو او کلتور ریاست د معلوماتو له مخې، سږ کال له ۱۵۰ زرو څخه زیاتو سیلانیانو د دغه ولایت له لرغونو سیمو څخه لیدنه کړې ده.

 

د باميان ولايت د اطلاعاتو او فرهنګ رييس صفي الله نظر وويل چې د روان کال په لومړيو پنځو مياشتو کې له ١٥٠ زرو څخه زياتو سيلانيانو د دغه ولايت له سيل او لرغونو سيمو څخه ليدنه کړې ده.

 

هغه زياته کړه، چې ډېرى سيلانيانو او ليدونکو د بندامير ملي پارک څخه ليدنه کړې ده.

 

د يو شمېر سيلانيانو په وينا، د باميانو د طبيعي او لرغوني ښکلا له امله په باميانو کې د سيلانيانو لپاره اسانتياوې له نشت سره مخ دي او بايد د اسانتياوو رامنځته کولو ته پاملرنه وشي.