آوا: د رئیس الوزرا اقتصادي مرستیال ملا عبدالغني برادر په مشرۍ یو لوړ پوړي پلاوي د ازبکستان د لومړي وزیر د سیاسي مرستیال په رسمي بلنه د ترموز سرحدي ښارګوټي ته سفر وکړ.

 

ټاکل شوې د ترموز نړیوال سوداګریز مرکز د پنجشنبې په ورځ د اسلامي امارت د لومړي وزیر د مرستیال، د ازبکستان د لومړي وزیر، د اذربایجان د لومړي وزیر د مرستیال او د قزاقستان او قرغزستان د لوړ پوړو چارواکو په حضور کې پرانیستل شي.

 

د کانونو او پټرولیم وزارت سرپرست هدایت الله بدري په مشرۍ یو پلاوی پرون ترکمنستان ته ولاړ.

 

د کانونو او پټرولیم وزارت وايي، په دغه پلاوي کې د بهرنیو چارو، مالیې، فواید عامې وزارت او د افغانستان برېښنا شرکت استازي شامل دي.

 

سرچینه زیاتوي، چې ټاکل شوې د اسلامي امارت پلاوی له ترکمنستاني چارواکو سره د ټاپي، ټاپي او ریل پټلۍ د پروژو په اړه د دوه اړخیزو همکاریو پر پراختیا او په عشق اباد کې د افغانستان په خاوره کې د ټاپي پروژې د عملي کار د پیل په اړه خبرې وکړي.