آوا: د بنګله دیش په څه دپاسه لسو سیمو کې د سختو بارانونو او ویجاړونکو سیلابونو له امله ۳۰ تنه وژل شوي او په میلیونونو خلک له دغه سیلاب څخه اغیزمن شوي او خوندي سیمو ته کډه شوي دي.

 

د بنګله دېش امدادي ځواکونه، پوځ او سمندري ځواکونه سېلاب ځپلو ته د مرستې رسولو په عملياتو کې برخه اخلي او د بنګله دېش چارواکو په راتلونکو ورځو کې د بارانونو د دوام له امله په دغه اسيايي هېواد کې د سېلابونو د دوام وړاندوينه کړې ده.

 

ویل کیږي چې د وروستیو سیلابونو لویه برخه وروسته له هغه رامنځ ته شوه چې هندي چارواکي د څو بندونو په خلاصولو کې پاتې راغلل.