آوا: د اسراییلو، متحده ایالاتو، مصر او قطر چارواکي نن په دوحه کې غونډه کوي چې په غزه کې د اوربند په اړه خبرې وکړي.

 

رویټرز د یوې سرچینې په حواله چې د خبرو اترو سره اشنا دی، دا غونډه د "تخنیکي" او "کاري کچې" د اوربند خبرو اترو په توګه تشریح کړه.

 

دا غونډه وروسته له هغې کېږي چې منځګړو تېره اوونۍ په قاهره کې د اوربند د خبرو یو پړاو ترسره کړ چې یوې هوکړې ته ونه رسېدل.

 

اسراییلي ټیم په غزه کې د څو دهلیزونو د امنیت د دوام غوښتنه کړې، په داسې حال کې چې حماس له غزې څخه د اسراییلو په بشپړ وتلو ټینګار کوي.