آوا: په هرات کې د بهرنیو چارو وزارت مرستیال رحمت الله فیضان، آوا ته په خبرو کې وویل چې افغانستان تل له نورې نړۍ او په ځانګړې توګه له ګاونډیو سره ښې اړیکې لرلې او تل یې هڅه کړې ده. 

 

هغه زیاته کړه: "د تاریخ په بدلونونو او د بېلابېلو سیاستونو په رامنځته کېدو سره، افغانستان د خپلو او ګاونډیو د ګټو په اړه د ښه او متوازن تعامل غوښتونکی دی او د وېشلو اجازه یې نه ده ورکړې."

 

مولوي فیضان زیاته کړه چې د افغانستان پالیسي تل نرمه وه او د تاریخ په اوږدو کې یې هېڅکله د ګاونډیانو پر حقونو برید، سرغړاوی نه دی کړی.

 

په هرات کې دبهرنيو چارو دوزارت مرستيال هم يادونه وکړه چې افغانستان هيچاته اجازه نه ورکوي چې دخپلې خاورې څخه ګاونډيان ګواښي .

 

هغه وویل، افغانستان هم د سیمې له هېوادونو په ځانګړې توګه له ګاونډیانو هیله لري، چې د ښه ګاونډیتوب پر بنسټ تګلارې ولري او له افغانستان سره بدې انګېرنې ونه لري.