آوا - کابل: دغه اداره د سه شنبې په ورځ په یوه خبرپاڼه کې وایی چې په افغانستان کې د تودوخې لوړیدو د اوبو کمښت لاپسې زیات کړی دی.

 

OCHA زیاته کړه، د افغانستان په کلیوالو سیمو کې کورنۍ د اوبو ترلاسه کولو لپاره په اوسط ډول ۱۷ دقیقې مزل کوي، په داسې حال کې چې په ښاري سیمو کې دوی د تیر کال په پرتله دوه برابره پیسې ورکوي.

 

د OCHA په وینا، په 2021 کې، په افغانستان کې 48 سلنه کورنۍ اوبو ته د لاسرسي په برخه کې ستونزې درلودې.

 

افغانستان له دریو کلونو راهیسې له سختې وچکالۍ سره مخ دی چې په پایله کې یې د څښاک اوبو ته لاسرسی په ډراماتیک ډول کم شوی دی.

 

د پلازمېنې کابل په ګډون د هېواد اوسېدونکي په پرله پسې ډول د څښاک د پاکو اوبو له کمښت څخه شکایت کوي.