آوا: کابل: د پاسپورتونو د عمومی ریاست مطبوعاتی دفتر ایکس اینټ ورک ته وویل چې د نوم لیکنې له بشپړیدو وروسته به د غوښتونکو د لیدنې نیټه د سیستم له لارې ټاکل کیږی.
د دغه رياست د معلوماتو له مخې، د پاسپورټونو د عمومي رياست انلاين فارم به هره شنبه په مرکزي برخه کې او هره سه شنبه د نورو درېيو کاري برخو لپاره پرانيستل کېږي.
تر دې مخکې د پاسپورتونو عمومي ریاست په کابل کې د پاسپورټونو د ترلاسه کولو په برخه کې د هېوادوالو د اسانتیا لپاره درې نوي مرکزونه پرانیستل.
د پاسپورټ عمومي رييس عبدالکريم حسيب وويل، چې د يادو مرکزونو په پرانيستل کېدو سره به د پاسپورټ غوښتونکي د يوې اونۍ په اوږدو کې خپل پاسپورټونه ترلاسه کړي.