د هرات په صنعتي ښارګوټي کې د يوه خصوصي شرکت مسوولين وايي چې په هېواد کې د لومړي ځل لپاره د کورنيو انجنيرانو په نوښت دغه شرکت د کرنې په برخه کې څو ماشينونه توليد کړي چې د کروندګرو لپاره يې ډېرې اسانتياوې رامنځته کړې دي.
د هرات په صنعتي ښارګوټي کې د څو کرنیزو ماشینونو تولید
31 اسد 1403 ساعت 9:14
د هرات په صنعتي ښارګوټي کې د يوه خصوصي شرکت مسوولين وايي چې په هېواد کې د لومړي ځل لپاره د کورنيو انجنيرانو په نوښت دغه شرکت د کرنې په برخه کې څو ماشينونه توليد کړي چې د کروندګرو لپاره يې ډېرې اسانتياوې رامنځته کړې دي.
آوا - هرات: د عظیمی برادرز شرکت مشر عبدالقادر عظیمی وایی، دغه شرکت د کرنې په برخه کې ۱۵ نوی ماشینونه اختراع او بازار ته وړاندې کړی دی.
ده همداراز زیاته کړه: دغه ټول اختراعات د کورنیو انجینرانو له خوا شوي او دا شرکت په هیواد کې یوازینی شرکت دی چې د کورنیو انجینرانو په نوښت له صفر څخه تر ۱۰۰ پورې د دغو ماشینونو د جوړولو لپاره مواد تولید او چمتو کړي دي.
د دغه شرکت مشر زياته کړه: تر اوسه پورې د دغه شرکت له خوا ١٥ ډوله ماشينونه اختراع شوي او بزګرانو ته وړاندې شوي دي او د دغه شرکت له خوا د ماشينونو توليد د کرنې په برخه کې بزګرانو ته زياتې اسانتياوې برابرې کړې دي.
ښاغلي عظيمي دغه راز زياته کړه: تر اوسه پورې د دغه شرکت په جوړولو څه دپاسه درې سوه زره ډالره لګيدلي دي چې دا مهال څه ناڅه ٢٥٠ تنه په کار بوخت دي.
د مطلب کود: 295623