د رئیس الوزرا سیاسي مرستیال مولوي عبدالکبیر د لوړ پوړي پلاوي په مشرۍ د اسلامي ایران د نوي ولسمشر د لوړې په مراسمو کې د ګډون په موخه د ایران د اسلامي جمهوریت په رسمي بلنه تهران ته روان شو.

آوا - کابل: د رئیس الوزرا سیاسي مرستیال مولوي عبدالکبیر د لوړ پوړي پلاوي په مشرۍ د اسلامي ایران د نوي ولسمشر د لوړې په مراسمو کې د ګډون په موخه د ایران د اسلامي جمهوریت په رسمي بلنه تهران ته روان شو. 

د اعلامیې له مخې ټاکل شوې چې مولوي عبدالکبیر به له یو شمېر ایراني چارواکو سره رسمي دوه اړخیزې ناستې ولري.

دغه راز په دغه رسمي سفر کې به د اسلامي امارت او د ایران د اسلامي جمهوریت ترمنځ د سیاسي او اقتصادي اړیکو د پیاوړتیا، په هغه هیواد کې د میشتو افغان مهاجرینو د ستونزو دحل او د همکاریو دپراختیا په باب خبرې اترې وشي .

د دغه رسمي سفر په ترڅ کې به د رئیس الوزرا سیاسي مرستیال د یو شمېر هېوادونو له یو شمېر استازو او چارواکو سره هم وګوري.

ټاکل شوې ده چې د ایران د اسلامی جمهوریت د نوی ولسمشر مسعود البادیشیان د لوړې مراسم سبا د دغه هیواد په پلازمینې تهران کښې د مختلفو هیوادونو د لوړرتبه چارواکو په ګډون سره ترسره شی.