آوا - کابل: د ملي پراختیایي شرکت د قوش تېپې کانال پروژې مشر سید ذبیح الله مری وايي چې د کانال د دویم فاز ۵۸ سلنه کار بشپړ شوی دی.

 

نوموړي له رسنیو سره په خبرو کې وویل، چې د فاریاب ولایت د اندخوی ولسوالۍ په مربوطاتو کې د کیندلو د دویم پړاو چارې ۱۳۰ کیلومتره ته رسېدلي، چې په دې پړاو کې څه باندې ۳۵۰۰ کسان او درې زره ماشینونه کار کوي. د

 

د قوش تېپې کانال دویم پړاو د بلخ ولایت له دولت اباد ولسوالۍ څخه پیل او د شبرغان ولایت له اچې ولسوالۍ څخه تېرېږي، چې ۱۷۷ کیلومتره اوږدوالی لري، د فاریاب ولایت په اندخوی ولسوالۍ کې پای ته رسېږي.

 

د قوش تېپې کانال ۲۸۵ کیلومتره اوږدوالی لري چې ۱۰۸ متره پلنوالی او ۸.۵ متره ژوروالی لري او په یوه ثانیه کې ۶۶۸.۴ متره مکعبه اوبه لېږدوي.