د کورنیو چارو وزارت اعلان کړی، چې په نشه یي توکو ۱۱۳ تنه اخته ناروغان روغ شوي او تر درملنې وروسته خپلو کورنیو ته سپارل شوي او ۱۵۲ تنه نور د درملنې په موخه د امید کمپ دوه زره بستریز مرستندویه مرکز ته لیږدول شوي دي.
په نشه يي توکو ۱۱۳ روږدي کسان تر درملنې وروسته خپلو کورنیو ته وسپارل شول
30 سرطان 1403 ساعت 12:30
د کورنیو چارو وزارت اعلان کړی، چې په نشه یي توکو ۱۱۳ تنه اخته ناروغان روغ شوي او تر درملنې وروسته خپلو کورنیو ته سپارل شوي او ۱۵۲ تنه نور د درملنې په موخه د امید کمپ دوه زره بستریز مرستندویه مرکز ته لیږدول شوي دي.
آوا - کابل: د کورنیو چارو وزارت مطبوعاتي دفتر د یوې خبرپاڼې په خپرولو سره ویلي، چې ۱۱۳ تنه په نشه يي توکو اخته کسان له درملنې وروسته رخصت شوي او ۱۵۲ تنه نور د درملنې په موخه ۲۰۰۰ بستریز روغتون ته لېږدول شوي دي.
د دغه وزارت د معلوماتو له مخې، د کورنيو چارو وزارت له نشه يي توکو سره د مبارزې پوليسو د يادو ١١٣ تنو په نشه يي توکو اخته ناروغان د مسوولې کمېټې له خوا تر درملنې وروسته د هغوى کورنيو ته سپارلي دي.
دغه راز د نشه يي توکو پر وړاندې د مبارزې پوليسو په کابل او ولايتونو کې ١٥٢ تنه په نشه يي توکو روږدي کسان راټول او د درملنې په موخه يې په کابل کې د امید کمپ دوه زره بستريز مرکز ته ليږدول.
بايد يادونه وشي چې سرپرست حکومت په هېواد کې د نشه يي توکو د کښت، قاچاق او توليد د مخنيوي په برخه کې په برياليتوب سره عمل کړى او د دوحې په درېيمه ناسته کې يې د نړۍ له هېوادونو وغوښتل چې د بديل پلان له مخې ورسره همکاري وکړي.
د مطلب کود: 293788