د پکتیا سیمه ییز چارواکي وايي، په دغه ولایت کې د څه باندې اته میلیونه افغانیو په ارزښت شپږ پرمختیايي پروژې پلې شوې دي.

آوا - کابل: د پکتیا ولایت سیمه ییز چارواکي وايي، په دغو پروژو کې د کلیوالي سړکونو جوړول، د اوبو لګولو اسانتیاوې او استنادي دیوالونه شامل دي.

د ملګرو ملتونو د پروژو د خدمتونو اداره د دغو پروژو د پلي کولو لپاره څه باندې اته میلیونه افغانۍ لګوي.

تر دې وړاندې هم په بېلابېلو ولايتونو کې د ملګرو ملتونو له خوا يو شمېر وړې پراختيايي پروژې جوړې شوې وې.