کد QR مطلبدریافت صفحه با کد QR

په غزني ولایت کې د سترګو د ۴۰۰ ناروغانو وړیا درملنه

12 سرطان 1403 ساعت 13:45

د عامې روغتیا وزارت د سترګو د ډاکټرانو لس کسیزه ډله به غزني ولایت ته د سفر په ترڅ کې د لسو ورځو په موده کې د سترګو د ۴۰۰ ناروغانو وړیا عملیات او درملنه وکړي.


آوا - کابل: د عامې روغتیا وزارت روغتیايي ډله چې غزني ښار ته تللې، د دغه ولایت په روغتون کې د سترګو د ناروغانو درملنه پیل کړې ده.

دغه روغتیايي ډله به د لسو ورځو په موده کې د ناروغانو وړیا درملنه وکړي.

د غزني د عامې روغتيا رييس ډاکټر جارك پتورمل وايي، چې د دوى د وړانديز پر بنسټ د عامې روغتيا وزارت د سترګو د ناروغانو د درملنې په موخه د سترګو لس ډاکټران غزني ته لېږلي دي.

هغه وويل: "د دې روغتيايي ډلې موخه د سترګو جراحي ده، چې شاوخوا ٤٠٠ جراحۍ په کې ترسره کېږي او په تېرو دوو ورځو کې له ١٢٠ زياتو جراحي ترسره شوي او د سلګونو نورو په وړيا توګه درملنه شوې ده."

په ورته وخت کې په غزني کې د سترګو ناروغانو د عامې روغتیا ریاست له دغه اقدام څخه خوښي څرګنده کړې او د افغانستان د اسلامي امارت د عامې روغتیا له وزارت څخه یې غوښتي چې د دغه ولایت په نورو روغتیايي څانګو کې د وړیا درملنې اسانتیاوې برابرې کړي.


د مطلب کود: 292877

دمطلب پته :
https://www.avapress.com/ps/news/292877/په-غزني-ولایت-کې-د-سترګو-۴۰۰-ناروغانو-وړیا-درملنه

آوا
  https://www.avapress.com