د ملګرو ملتونو د بشري چارو د همغږۍ دفتر (OCHA) د استرالیا هېواد له افغانستان سره د ۲.۶ میلیونه ډالرو مرسته اعلان کړه.

آوا - کابل: د ملګرو ملتونو د بشري مرستو د همغږۍ دفتر (OCHA) اعلان کړی چې استرالیا له افغانستان سره ۲.۶ میلیونه ډالره مرسته کړې ده.

اوچا په ایکس چینل کې یوه خبرپاڼه خپره کړې او لیکلي یې دي چې دا مرسته به د افغانستان د بشري مرستو صندوق ته ورکړل شي.

دغه سازمان زیاته کړه چې استرالیا له خپل تاسیس راهیسې د افغانستان د بشري مرستو له صندوق سره څه باندې ۷۵ میلیونه اسټرالیايي ډالره مرسته کړې ده.