د عامې روغتیا وزارت اعلان کړی چې د دغه وزارت سرپرست په کابل کې د جاپان له سفیر سره په کتنه کې د هېواد په لرو پرتو سیمو کې د ساري ناروغیو د درملنې او د روغتیايي مرکزونو د جوړولو په برخه کې د دغه هېواد د همکارۍ غوښتنه وکړه.
د عامې روغتیا وزارت په هېواد کې د روغتیايي مرکزونو د جوړولو په برخه کې د جاپان د مرستې غوښتنه وکړه
7 سرطان 1403 ساعت 9:52
د عامې روغتیا وزارت اعلان کړی چې د دغه وزارت سرپرست په کابل کې د جاپان له سفیر سره په کتنه کې د هېواد په لرو پرتو سیمو کې د ساري ناروغیو د درملنې او د روغتیايي مرکزونو د جوړولو په برخه کې د دغه هېواد د همکارۍ غوښتنه وکړه.
آوا - کابل: د اسلامي امارت د عامې روغتیا وزارت مطبوعاتي دفتر څخه په خپره شوې خبرپاڼه کې راغلي چې د دغه وزارت سرپرست مولوي نور جلال جلالي په کابل کې د جاپان له سفیر تاکایوشی کورومیا سره وکتل. .
په دې کتنه کې د روغتیا په برخه کې د افغانستان او جاپان ترمنځ پر ګډو او دوامداره همکاریو خبرې وشوې.
په دې کتنه کې د عامې روغتیا وزارت سرپرست له جاپان څخه وغوښتل چې د ساري ناروغیو د درملنې، د افغان روغتیايي کارکوونکو د ظرفیتونو د لوړولو او د هېواد په لرو پرتو سیمو کې د روغتیايي مرکزونو د جوړولو په برخه کې له اسلامي امارت سره همکاري وکړي.
باید وویل شي، چې له افغانستان سره د نړیوالو مرستو د کمېدو له امله د هېواد روغتیايي سیستم له بېلابېلو ستونزو سره مخ دی.
د مطلب کود: 292553