د سمنګان ولايت امنيه قومانداني د دغه ولايت په خلم ولسوالۍ کې د خپلې مېرمنې د وژلو په تور د يو تن د نيولو خبر ورکوي او وايي، چې قاتل تېره شپه شاوخوا دوه بجې د خپلې مېرمنې له وژلو وروسته له دوو وسلو سره نيول شوى دى.

آوا: د سمنګان امنیه قومندانۍ چارواکي وايي، چې تېره ورځ شاوخوا ۲ بجې د سمنګان ولایت په خلم ولسوالۍ کې یو کس د خپلې مېرمنې تر وژلو وروسته د پولیسو له خوا نیول شوی.

د سمنګان ولايت پوليس په دې برخه کې د پلټنو د دوام خبر ورکوي.

د يادونې ده، چې تېره ورځ هم د سمنګانو ولايت په خُلم ولسوالۍ کې د پوليسو له لوري له يوه تن څخه د کلاشينکوف شاوخوا ١٨٠ مرمۍ کشف او ترلاسه شوې وې.