د سرپرست حکومت د بهرنیو چارو وزارت د نیکاراګوا د حکومت له خوا د افغانستان لپاره د سفیر د ټاکل کېدو هرکلی وکړ او هیله یې څرګنده کړه چې د دواړو هېوادونو ترمنځ د علاقې وړ برخو کې دوه اړخیزې اړیکې لا پراخې شي.
د بهرنیو چارو وزارت په افغانستان کې د نیکاراګوا د سفیر د ټاکل کېدو هرکلی وکړ
3 سرطان 1403 ساعت 14:14
د سرپرست حکومت د بهرنیو چارو وزارت د نیکاراګوا د حکومت له خوا د افغانستان لپاره د سفیر د ټاکل کېدو هرکلی وکړ او هیله یې څرګنده کړه چې د دواړو هېوادونو ترمنځ د علاقې وړ برخو کې دوه اړخیزې اړیکې لا پراخې شي.
آوا - کابل: د اسلامي امارت د بهرنیو چارو وزارت مطبوعاتي دفتر نن (یکشنبه، د سرطان ۳مه) د یوې اعلامیې په خپرولو سره ویلي چې دغه وزارت د نیکاراګوا د حکومت له خوا د افغانستان لپاره د سفیر د ټاکل کېدو هرکلی وکړ.
د بهرنیو چارو وزارت په بیجینګ کې د اسلامي امارت سفارت ته لارښوونه کړې چې په بیجینګ کې د نیکاراګوا له سفارت سره نږدې کاري اړیکې ولري.
د بهرنيو چارو وزارت له نيکاراګوا سره د ډيپلوماتيکو اړيکو ټينګېدل يو مثبت پرمختګ بولي او هيله لري چې د دواړو هېوادونو ترمنځ د علاقې وړ دوه اړخيزې اړيکې لا پراخې شي.
تر دې مخکې د نیکاراګوا حکومت په چین کې د دغه هېواد اوسنی سفیر "مایکل کمپبل" په افغانستان کې د خپل سفیر په توګه معرفي کړی و.
د مطلب کود: 292345