په افغانستان کې د ملګرو ملتونو مرستندویه پلاوي (یوناما) د یوې خبرپاڼې په خپرولو سره ویلي، چې د امنیت شورا سبا جمعه د افغانستان د مسئلې په اړه غونډه کوي او د یوناما مشر به په دې غونډه کې د افغانستان په اړه خپل راپور وړاندې کړي.
د امنیت شورا سبا د افغانستان په اړه غونډه کوي
31 جوزا 1403 ساعت 11:07
په افغانستان کې د ملګرو ملتونو مرستندویه پلاوي (یوناما) د یوې خبرپاڼې په خپرولو سره ویلي، چې د امنیت شورا سبا جمعه د افغانستان د مسئلې په اړه غونډه کوي او د یوناما مشر به په دې غونډه کې د افغانستان په اړه خپل راپور وړاندې کړي.
آوا - کابل: د ملګرو ملتونو د امنیت شورا غونډه به د جمعې په ماښام ترسره شي او د دغه دفتر مشره روزا اوتنبایوا به د افغانستان د وضعیت په اړه توضیحي راپور وړاندې کړي.
دوی په دې اړه نور جزئيات نه دي ورکړي.
د يادونې ده، چې شاوخوا څلور مياشتې مخکې د امنيت شورا د تېر کال په نيمايي کې د افغانستان پر وضعيت د وروستي ځل لپاره کتنه وکړه.
دا په داسې حال کې ده، چې ټاکل شوې د افغانستان په اړه د ملګرو ملتونو په کوربه توب د دوحې درېیمه ناسته تر یوې اوونۍ زیاتې د هېوادونو د ځانګړيو استازو په ګډون جوړه شي.
تر دې مخکې د ملګرو ملتونو ویاند ویلي وو چې د دوحې د دریمې ناستې د ترسره کولو موخه دا ده چې "له افغانستان سره د نړیوالو ښکیلتیا په لا همغږي او جوړښت کې زیاته شي."
د مطلب کود: 292213