آوا - کابل: د کورنیو چارو وزارت مطبوعاتي دفتر د یوې خبرپاڼې په خپرولو سره ویلي چې ملا رحمت الله نجیب د چارو ادارې د عمومي رئیس شیخ نورالحق انور له خوا د دغه وزارت د نوي اداري مرستیال په توګه معرفي شوی دی.

 

په دې مناسبت جوړو شویو مراسمو کې د چارو ادارې عمومي رئیس وویل، د اسلامي امارت رهبري هغو کسانو ته چې له سختو پړاوونو څخه تېر شوي مسوولیتونه یې سپارلي او د هغوی احساس، تعهد، اخلاص او سرښندنه له هیچا پټ نه ده.

 

د یادولو وړ ده چې ملا رحمت الله نجیب تر دې وړاندې د اسلامي امارت د استخباراتو د عمومي ریاست د اداري مرستیال په توګه دنده ترسره کوله.