د پنجشېر والي حافظ محمد آغا حکيم وايي، په دغه ولايت کې د پارنده د برېښنا بند د جوړولو کار ٩٨ سلنه بشپړ شوى او ډېر ژر به ګټې اخيستنې ته وسپارل شي.

آوا - کابل: د پنجشیر والي حافظ محمد آغا حکیم د پارنده د بند د جوړولو د چارو د کتنې پر مهال وویل چې د دغه بند د جوړولو لګښت ۶ میلیونه او ۷۰۰ زره ډالره کیږي.

د هغه په ​​وينا، دغه بند به د څلور ميګاواټه برېښنا په توليد سره د پنجشير خلکو او توليدي شرکتونو ته برېښنا برابره کړي.

د باختر آژانس د خبرله مخې: د اوکراين هيواد سرګي اناتولي چې د پنجشير د بند د جوړولو مسوول دى؛ وويل چې د دغه بند تخنيکي وسايل له چک جمهوريت څخه راوړل شوي او ډير د ډاډ وړ دي.