د "پولیو څخه پاک افغانستان" په نوم سازمان اعلان کړی، چې سبا دوشنبه به په ټول افغانستان کې د پولیو ضد واکسین د تطبیق کمپاین پیل شي.

آوا - کابل: دغې ادارې نن په خپل اکس پاڼه کې دا موضوع لیکلي خو هغه دا يي نه دي ویلي چې په دې پړاو کې به څومره ماشومان واکسين شي.

د پوليو واکسين کمپاين مخکنی پړاو چې تېره مياشت پيل شوی و، ۱۰،۷ ميليونه ماشومان چې عمرونه يې له پنځو کلونو کم وو، واکسين شوي وو.

افغانستان او پاکستان د هغو هېوادونو په ډله کې دي چې ګوزڼ پکې نه دی ختم شوی.