د کورنیو چارو وزارت ویاند عبدالمتین قانع د هېواد د پاسپورټ د ادارې د عمومي رئیس "عبدالکریم حسیب" د نیول کېدو خبر رد کړ او زیاته یې کړه چې د اسلامي امارت د رهبرۍ له لوري د ننګرهار د "باریکاب" سیمې د ځمکو پر سر د مظاهرو په اړه وضاحت غوښتنه شوې ده.

آوا - کابل: د کورنیو چارو وزارت ویاند عبدالمتین قانع د هېواد د پاسپورټ د ادارې د عمومي رئیس "عبدالکریم حسیب" د نیول کېدو خبر رد کړ او زیاته یې کړه چې د اسلامي امارت د رهبرۍ له لوري د ننګرهار د "باریکاب" سیمې د ځمکو پر سر د مظاهرو په اړه وضاحت غوښتنه شوې ده. 

ده زياته کړه: د پاسپورټ دفتر فعاليتونه د معمول په شان پرمخ روان دي.

دا په داسې حال کې ده، چې تر دې وړاندې ځينو بهرنيو رسنيو اعلان کړى و، چې د پاسپورټ عمومي رييس د "فساد" په تور کندهار ته بلل شوى او هلته نيول شوى دى.