آوا - د 204000 امریکایی ډالرو په ارزښت د پنجشیر د 2,693 قیراط زمرد خرڅلاو

د 204000 امریکایی ډالرو په ارزښت د پنجشیر د 2,693 قیراط زمرد خرڅلاو

د افغانستان د کانونو او پټرولیم وزارت د ۲۰۴۹۰۰ امریکايي ډالرو په ارزښت د پنجشیر ولایت له کانونو استخراج شوي ۲۶۹۳ قیراط زمرد د پلور اعلان کړی دی.

آوا – کابل: د کانونو او پټرولیم وزارت اعلان کړی چې د پنجشیر ولایت له کانونو څخه استخراج شوي ۲۶۹۳ قیراط زمرد د ۲۰۴۹۰۰ ډالرو په ارزښت پلورلي دي.

دغه وزارت د یوې خبرپاڼې په خپرولو سره ویلي چې د زمردو دغه اندازه نن (سه شنبه د ثور ۱۱مه) د داوطلبۍ لارې پلورل شوې ده.

د کانونو او پټرولیم وزارت په اعلامیه کې دا هم ویل شوي، چې په دې "رضاکارانه" کې له سلو زیاتو کورنیو او بهرنیو سوداګرو برخه اخیستې وه.

د دغه وزارت د معلوماتو له مخې، دا په ټولیز ډول ۱۷م ځل دی او په روان کال کې دویم ځل دی، چې د پنجشیر له کانونو استخراج شوي زمرد پلورل کېږي.