د اسلامي امارت د عامې روغتیا وزارت د اندراګاندي د ماشومانو د درملنې په روغتون کې د اکسیجن د تولید څانګې د جوړولو د بنسټ ډبره کیښوده.

آوا - کابل: د عامې روغتیا وزارت مطبوعاتي دفتر څخه په خپره شوې خبرپاڼه کې راغلي، چې دغه څانګه د روغتیا د نړیوال سازمان په مالي او تخنیکي همکارۍ جوړیږي.

د افغانستان د عامې روغتیا وزارت وايي، چې د دې روغتون لپاره به د ورځې د ۲۰۰ اکسیجن بالونونو د تولید په ظرفیت سره د بشپړ اکسیجن د برابرولو ترڅنګ نورو روغتونونو ته هم د اړتیا وړ اکسيجن برابر کړي.