آوا - کابل: د فاریاب د والي ویاند عصمت الله مرادي د پنجشنبې په ورځ (د سلواغې ۲مه) وویل چې په دغه ولایت کې بارانونو او سیلابونو ځاني او مالي زیانونه اړولي دي.

 

په هرات کې سیمه ییزې سرچینې هم تاییدوي چې په دغه ولایت کې اورښتونو مالي زیانونه اړولي دي.

 

په همدې حال کې په بادغیس کې هم سیلابونو یو کس وژلی او تر سلو زیات د استوګنې کورونه یې ویجاړ کړي دي.

 

په همدې حال کې د ترانسپورت او هوايي چلند وزارت د هوا پېژندنې ادارې د هېواد په ۱۶ ولایتونو کې د واورې، باران، تندر او سېلابونو د احتمال خبرداری ورکړی دی.