د اسلامي امارت د ترانسپورت او هوايي چلند وزارت وايي چې د بدخشان ولایت د فیض آباد د هوايي ډګر د بیارغونې چارې ۹۷ سلنه بشپړې شوي دي.

آوا - کابل: د ترانسپورت وزارت وايي، د دغې پروژې پر بیارغونې ۶ میلیونه افغانۍ لګښت راغلی او تمه ده چې ډېر ژر به عملي شي.

د دغه وزارت د معلوماتو له مخې، له ترمیم وروسته به دغه هوايي ډګر په نړیوالو معیارونو سمبال شي.

د فيض اباد هوايي ډګر مسوولين وايي، چې د دغه هوايي ډګر رن وي معياري نه و او ترميم ته اړتيا لرل.

د دې پروژې چارې شاوخوا یوه میاشت وړاندې پیل شوې وې او ټاکل شوې په راتلونکو څو ورځو کې بشپړې شي.

د فیض آباد هوايي ډګر د افغانستان د بدخشان ولایت د مرکز فیض آباد شمال لوېدیځ ته په ۳.۵ میله (۵.۶ کیلومترۍ) کې موقعیت لري او د بحر له سطحې څخه ۱۱۷۱ متره لوړوالی کې موقعیت لري.