آوا - کابل: د رئیس الوزرا مطبوعاتي دفتر د یوې خبرپاڼې په خپرولو سره ویلي چې د رئیس الوزرا سیاسي مرستیال مولوي عبدالکبیر د خصوصي پوهنتونونو له یو شمېر مسوولینو او استادانو سره په کتنه کې نوموړي د پوهنتونونو فعاليتونه د ټولنې لپاره مهم وبلل او ويې ويل، چې دولت په پراخه کچه د ټولو خصوصي تحصيلي موسسو ملاتړ او اسانتياوې برابروي.

 

په دې غونډه کې د خصوصي پوهنتونونو مسوولینو او استادانو له حکومت څخه د لا زیات ملاتړ غوښتنه وکړه.

 

دوی زیاته کړه چې په لږ مصرف سره کولای شي د ټولنې له اړتیاوو سره سم ګڼ شمېر ځوانانو ته د لوړو زده کړو زمینه برابره کړي.

 

په ورته وخت کې د بې وزلۍ او بېکارۍ د پراخېدو له امله ډېرو ځوانانو خپلې زده کړې له پوهنتونه پرې کړې دي.