په پنجشېر ولايت کې داسلامي امارت سيمه ييز مسوولين وايي چې په روان کال کې يې ٣٤ پرمختيايي پروژې بشپړې کړې دي.

آوا - کابل: د پنجشیر والي حافظ محمد اغا حکیم وايي چې د روان لمریز کال له پیله د نړیوال بانک په مالي مرسته د ۶۸ پرمختیايي پروژو کار پیل شوی چې له دې جملې څخه ۳۴ پراختیايي پروژې بشپړې شوې دي. 

هغه زياته کړه، چې په دې پروژو کې د اوبو د کانالونو، بندونو، استنادي دېوالونو، د بحرونو غځولو، د کليو د سړکونو جوړول او د ودانيو جوړول شامل دي.

د يادونې وړ ده، چې له افغانستان سره د نړيوالې ټولنې د مرستو د کمېدو له امله د ډېرو پراختيايي پروژو پلي کېدل کم شوي دي.