آوا - کابل: د ننګرهار د اطلاعاتو او کلتور رئیس قریشي مولت وايي، پاکستاني لوري پخواني قوانین منلي او د بار وړونکو موټرو چلوونکي کولای شي چې له پاسپورټ او ویزې پرته له دې لارې تګ راتګ وکړي.

 

د تورخم دروازه پرون ماسپښین د پاکستاني پوځیانو له خوا د بار وړونکو موټرو پر مخ تړل شوې وه او د بار وړونکو موټرو له چلوونکو یې د پاسپورټونو او ویزو غوښتنه کوله.

 

تورخم د افغانستان او پاکستان تر منځ یو له مهمو او مصروفو لارو څخه دی، چې وخت په وخت د دواړو هېوادونو ترمنځ د سیاسي کړکېچ له امله د پاکستان له خوا تړل کېږي.