آوا - کابل: د پنجشیر له کانونو څخه د نویو استخراج شویو زمردو شپږم محصول د پنجشیر د والي حافظ محمد اغا حکیم، د پنجشیر د کانونو د څارنې د کمیټې او د ډبرو د یو شمیر سوداګرو په حضور کې د لیلام له لارې وپلورل شو.

 

د باختر آژانس د خبرله مخې: د پنجشير د کانونو او پټروليم رييس مولوي محمد قاسم اميري وويل چې په دې ليلام کې چې نن سه شنبه د سلواغې په ٣٠مه؛ ۳۶۴۰ قیراط زمرد د ۱۹۸۴۰۰ ډالرو په ارزښت د هېواد سوداګرو ته پلورل شوي دي.

 

هغه زياته کړه، چې دغه زمرد بکس په شفافه فضا او په لوړه بيه پلورل کېږي.

 

د يادونې وړ ده، چې څه موده وړاندې هم د پنځو زمردو يو بل صندوق چې ټولټال ٢٥٩ قيراط وزن او ارزښت يې ١١٧٧٠٠ ډالره و، د ليلام له لارې وپلورل شو.