آوا - کابل: د کرنې، اوبولګولو او مالدارۍ وزارت د ایکس ټولنیزې شبکې په حواله لیکلي چې د دغه وزارت له خوا د قوشتپې کانال شاوخوا ځمکې د ویش خبرونه حقیقت نه لري او دا خبر افواه ده.

 

دغه وزارت زیاته کړې چې د افغانستان د اسلامي امارت د رهبرۍ د فرمان له مخې هیڅ شخص یا اداره د اسلامي امارت د مشر له حکم پرته د غوشتپې کانال شاوخوا ځمکې د استفادې، ویش، پېر او پلور حق نه لري.

 

دغه وزارت له خلکو هم غوښتي چې د اسلامي امارت د مشر تر رسمي اعلان پورې دې د قوشتپې کانال په شاوخوا سیمو کې د ځمکو د استملاک په اړه په افواهاتو ونه غولېږي او هېڅ ډول اقدام دې نه کوي.