آوا: رسنیو د سیمه ییزو سرچینو په حواله خبر ورکړی، چې دغه لویه لار د عقرب د میاشتې له ۱۵مې نیټې څخه د غور ولایت په شهرک ولسوالۍ کې د ترافيکو پر مخ تړل شوې ده.

 

سیمیز اوسېدونکو ویلي، چې د سېلاب له امله د شهرک غور او چشت هرات ولسوالیو ترمنځ یو کیلومتر سړک ویجاړ شوی دی.

 

د غور ځايي چارواکو هم ویلي، چې د هرات – غور لویه لار د ترافیکو پر مخ تړل شوې او ډېر ژر به بېرته پرانیستل شي.

 

د هرات – غور لویه لار د هېواد په لوېدیځ کې یو له ګڼې ګوڼې ډک سړک دی چې هره ورځ پرې سلګونه موټر تګ راتګ کوي.