آوا - تهران: د رئیس الوزرا اقتصادی مرستیال د دفتر د خبر له مخې، په دغه کتنه کښې دواړو لورو د اوبو د مدیریت، په افغانستان کښې د برښنا د تولید په برخه کښې د ایران د تخنیکی همکاریو او دغه راز د پانګونې په هکله خبرې اترې وکړې. دوی د اوبولګولو د پرمختللو سیسټمونو څخه ګټه پورته کول او د وچکالۍ په برخه کې د ګډې همکارۍ په اړه خبرې وکړې.

 

ملا برادر په دې کتنه کې وويل: وروستيو وچکاليو د سيمې په تېره بيا د افغانستان د اوبو په زېرمو ناوړه اغېز کړى چې له امله يې د ځمکې او ځمکې لاندې اوبو کچه د پام وړ کمه شوې ده. په ډېرو سیمو کې دننه خلک د خپلو کورونو پرېښودو ته اړ شوي او نور کډوالۍ ته اړ شوي دي.

 

هغه دا هم وویل چې د ایران د اسلامي جمهوریت تخنیکي پلاوي څه موده وړاندې د هلمند بحیرې ته سفر وکړ، دوی ومنله چې د هلمند په بحر کې اوبه د پخوا په پرتله څو برابره کمې شوي او په دې برخه کې د اسلامي امارت دریځ مناسب دی. 

 

همدارنګه د رئیس الوزرا اقتصادي مرستیال له ایران څخه وغوښتل چې له افغانستان سره د کورني برېښنا د تولید په برخه کې خپلې تجربې او تخنیکي همکارۍ شریکې کړي.

 

د هغه په ​​وينا، افغانستان چې اوس له جګړې او اشغال څخه راوتلى دى، د اوبو، باد، لمريزې او د ډبرو سکرو د انرژۍ د توليد په برخه کې بډايه سرچينې لري، چې په هېواد کې د برېښنا د کمښت ستونزه هوارولاى شي. ترڅو صنعت د پام وړ وده وکړي.

 

په دغه کتنه کښې د ایران د اسلامی جمهوریت د انرژۍ وزیر علی اکبر محرابیان د ایران او افغانستان له وچکالۍ سره د ګډې مبارزې په باره کښې په افغانستان کښې د برښنا د تولید په برخه کښې د ایران د تخنیکی همکارۍ او په دې برخه کښې د دغه هېواد د همکاریو د دوام په اړه خبرې وکړې. د پانګې اچونې او صحي اوبو مدیریت او د هغې د کارولو ډاډ ورکړ.